يا ذميري وصل المكتوبي
عند من وديت لي مكتوبة
صبحه بالخير يا مندوبي
أنت يا مندوبي ومندوبة
قله إن الطيب هو عذروبي
وأعتقد هو عارفٍ عذروبه
أحمد الله الوفاء أسلوبي
يوم نكران الجميل أسلوبه
ضافي من فوق متني ثوبي
والله يزيده ستر في ثوبه
والخطية ما تجي من صوبي
والله اكبر كم يجي من صوبه
حذفته تاجي على عرقوبي
وأتوقى الحذف عن عرقوبه
كم رماله كلمة بغيوبي
وأنا استّر هفوته بغيوبه
الصراحة منهجي ودروبي
والتلون منهجه ودروبه
انتقي عند الضمأ مشروبي
يا عسى هو ينتقي مشروبه
وقول لا يعنا على مطلوبي
وان قدرت أعطيت له مطلوبه
ما لبسنا ثوبنا مقلوبي
يوم ناس ثيابها مقلوبه
والسلام ختام يا مندوبي
وبلغه بالعلم يا مندوبه