انا ياسيدي تايه صراحه من ثمان سنين
تراني صح لكني تراني واحدن ثاني
لك الله ماضحك قلبي ولارفت بفرحه عين
اعيش الكل في كل الظروف وعشت وحداني
أنا غابة حزن تمشي ولا فكرت توقف وين
ولا وش صابني فكرت ولا افكر وش اخطاني
غديت وكنت للرحل دليله واسأل الناسين
وعجزت انسى محبتهم واشوف الناس تنساني
سلام الله على الصحبه على الماضي على الغالين
على اول يوم احس بضحكتي من كل وجداني
رساله لا عتب دعوه ورد اقصى خفاي آمين
تردوا لي ترى حزني كثير بعيد وداني
أحس بكل مايخطر ببال اللي عرفته زين
انا المجني عليه بهالقضيه كل ابوها وانا الجاني
تعبت وقلت برقبتي نذر لله وحالف دين
حياتي ملك ما يرجع لأي انسان يلقاني