مرّي علي جفت من البُعد عبرات
أنا من الحرمان محتاج شوفتك
فلي لي احساسك مع الشوق نشوات
هاتي شعورك بالغلا كاس صحتك
لا تزفريني واكتمي .. كل الاهات
انا لك البلسم على حلم راحتك
مادامك انتي مُلهمة جزل الابيات
دونك مرار الهجر هاتي حلاوتك
فداك منهو لا عزف لك صباحات
اليا سمع فيروز مع صبح قهوتك
نسم هوانا .. من جميل العبارات
وقامت عصافيره تغني ل ضحكتك
ياهاجرتني ليه .. كثر .. الغيابات
شوفيني الناطر على جال ضفتك ..
شوفيني التايه بطول المسافات
شوفيني السواح من شان صدفتك
شوفيني العابر .. يغنيك بسكات
مرساي حلمٍ يرتجي شوف طلتك
يالطلّه اللي سحرها ف الخورافات
أسطورة إفروديت داخل إللياذتك
تعبت انا ارقب جيّتك ف المسائات
ديجور ليلي ماتجمّل بسهرتك
خلي لي الاحساس من دون عبرات
جيتك وانا ذبلان محتاج ضمتك