الليالي دمع والغربه اغاني
والسهر ممنوع والتذكار عيب
وين اصد وكل ما فيني عصاني
وين اروح ان فاح للتلويح طيب
يا عزيز ان شفتني رايح تراني
انهك التلويع كلي يوم اغيب
بنت شيخٍ طول مع قد ولياني
خيزرانٍ داعبه نسمة عذيب
من يقدمها مثل بنت اللوغاني
او غزالٍ ساقها للبيد ذيب
لا نستني قلت هالعالم نساني
ولا ذكرتني طاح من هالراس شيب
اتذكر كل ما قالت عشاني
قلت ذاب الكون يا راع الشعيب
الليالي تشتكي حر الثواني
وصاحبك يشكي كذا طول المغيب
ويا عزيز ان شفتها بين المحاني
قلها سلطان من شانك يجيب
راس اكبر راس دام العمر فاني
يوم كلن حاسبٍ نفسه لبيب
قالها من لا حسب قاصي وداني
ولا بعد حط بثنى صدره صليب