الليل فضّاح والاشواق فضّاحه
ومشاعر الشوق لازم عنك أخفيها
لاتزعجك شهقه الخفاق وصياحه
هاذي طبيعه بخلك مايخليها
آكذب لياقلت لك فالبعد مرتاحه
حياة ماهي بقربك ويش ابي فيها؟
لايابعد قلب ضم الحزن وجراحه
ولايابعد من تشوفك كل أمانيها
يانور عيني ويادربي ومصباحه
نظرتك لاصرت ماشي مادانيها
مادمت مقفي وزاد القلب بنياحه
معشوقتك في غيابك لاتوصيها
عطني ليارحت بس احساس بالراحه
وأعطيك نسيان للذكرى وماضيها