قل لها.. وش كثر أنت تحبّها
قل لها.. أنك تضيع بقربها
واللي في قلبك ترى أصدق شعور..
منت شخصٍ عابرٍ في دربها
قل لها.. هي دنيتكوآخر أمل
قل لها.. بوح الهوى ما هو سهل
مثل طيرٍ منوته حضن السماء..
وانحبس بالخوفوأغلال الخجل
لا تفوتك.. يكفي زهر العمر فاتك
لا تفوتك.. مثل باقي أمنياتك
مهما كان الردّ جارح راح يبرى..
لكن الحسرة تخلّد في حياتك
خلّها تضحك.. ترى الضحكة جمال
خلّها تسولف.. سوالفها دلال
كود همسة دافية فيها يذوب..
الجليد اللي غدى كبر الجبال
خلّها تعرف.. عن الماضي القليل
خلّها توصف.. كلامك بالبخيل
الغرام يعيش في ظلّ الغموض..
والوضوح أوقات هو "سرّ الرحيل"
لو مكانك.. بغتنم أغلى الدقايق
وأعطي من شهد الحكي بعض الحقايق
حتى لو تسأل عن العمر العتيق..
ببتسموأقول عمري "هالدقايق"