وين الطريق اللي يودي للنصيب
ابترك دروب الشقا وامشي معه
تعبت امثّل بالزمن دور الكئيب
وامشي دروب الضيق والغير بسعه
يا جوهرة صدر الغلا ماهو رحيب
لاشايفٍ زولك وصوتك ما اسمعه
حظ الشقي دربه يودي ما يجيب
عقلي عنيد وقلبي ازرى يقنعه
ظنيت لي في ناس وظنوني تخيب
الكل منهم يختفي خلف اصبعه
مدري وهم والا الزمن وضعه غريب
ما عاش فيه الا الردي والامّعه
لكن شمس الحق لا يمكن تغيب
والماء طيبه من اصاله منبعه
عندي أمل إن الفرج وقته قريب
وان العسر يسرين بعده تتبعه