عزيز وغالي
وفيك الوالي والتالي
لاش الخصومة ولاش لغيار
لمحبة طبعك ولولافة
وتيساع الخاطر والظرافة
ولقلب لكبير مستودع لسرار
لفم الساكت ما يسبق لعيب
والقلب الصافي فصفاوة لحليب
الرسمال لي ما يتقاضى مولات الدار
خاطري عليك معين صافي
امولات السر ولقبول والتوب الوافي
انما قولي الله يشافي لوليفي لضرار
طبع بنادم تحكمو ظروف
وانا طبعي عندك معروف
شهم وكريم ولد لمغاربة لحرار