انتي وجرحي مع تصاريف الايام
والصدّ والحرمان فيني قصيده
تشرح معاناتي وصبري والاحلام
اللي على فرقاج صارت بعيده
والشاعر اللي أصبح الصبح ما نام
حاله عقب فرقاج ماهي سعيده
مثلي زرع للحبّ في أرض الاوهام
والحزن يبطي ما يشح برصيده
واللي قضى من عام يصّير ذا العام
واشوف وقتي جرح عمري يعيده
في بسمتي تقرى تعابير الايتام
الناس من حولي وروحي وحيده
نزفي هموم وآآآه واوجااع واللآم
ودموع طاحت فوق خدي شهيده
ولا صار حبري دمّ وظلوعي اقلام
لك خافقي كل جرح صفحه جديده
وانتي وجرحي مع تصاريف الايام
والصد والحرمان فيني قصيده
تشرح معاناتي وصبري والاحلام
اللي على فرقاج صارت بعيده
ولا صار دمي حبر وظلوعي اقلام
لك خافقي كل جرح صفحه جديده
وانتي وجرحي مع تصاريف الايام
والصد والحرمان فيني قصيده
تشرح معاناتي وصبري والاحلام
اللي على فرقاك صارت بعيده
الشاعر احمد الرطبي الخالدي
الشاعر احمد الرطبي الخالدي