لا تنشدين اليوم وشلون حالي
هاذي طعونك بين الأضلاع تجتاح
دام الحزن والياس هو راس مالي
عادي أقول أني من الناس مرتاح
ودام الأسي لي عم والجرح خالي
ما اشتكي من جرح الأيام لو صاح
ودام الوفى أقفى بسود الليالي
مالي عتب لو بارق الصدق ما لاح
في غيبتي أدري لقيتي بدالي
وفي غيبتك خاويت همي والأتراح
عقب المودة والمحبة صفا لي
حال الضياع وليل الأوهام يا صاح
والذكرى اللي كل ما ضاق بالي
أضم طيفك بين الأهداب لو ساح
دمعي عزيز وطاح من شان غالي
لأجلك غزير الدمع من محجره طاح
ياكم تمنيتك تكوني حلالي
ما كان ظني تفهق الحلم برماح
وياكم جلست هناك أرقب لحالي
وسط الحديق’ جيتك شوق وأفراح
وياكم على شوفك سبقني ظلالي
وياكم رسمتك سيف للبعد ذباح
تذكر حبيبي يوم تجلس قبالي
تذكر أنا وياك في ضحك ومزاح
واذكر معك غنيت في صوت عالي
ما كنت اصدق باندماجك يالارواح
وكلٍ على غاليه شد الرحالي
إلا أنا يا بنت في خافقي ناح
طير الحزن والقلب للفرح سالي
وهاذي طعونك بين الأضلاع تجتاح
وما غير حزني يا حبيبه وفالي
وعادي أقول إني من الناس مرتاح
من عقب ما رحتي ورب الشمالي
ما لي بمن أقبل أو يروح من راح