أعوذ باالله الرحيم من كل شيطان رجيم
بإسم الله الي رحمته ساقت هماليل الغمام
المشفي أيوب السقيم اللي نصرموسى الكليم
الماجد البر الرحيم المشفي بخير الكلام
ياالله يامنجي خليلك من لهب وأنت العظيم
تجعل لواهيب النكد ياخالقي برد وسلام
وتبري سقم هذا الجسد يامحيي العظم الرميم
ماغيرك أنت الملتجى ياجابر اكسور العظام
والي شكالك دمعته تشرح مدا الحزن السقيم
وأنت أعلم بحاله وشاكي حالته لك مايضام
يارب انا من ضعف خالقني وفي وسعي عليم
وأنت اللطيف ورحمتك تجلي دياجير الضلام
يارب أنا مالي رجا غيرك ولا غيرك رحيم
يبري سقم مقلق هناي وراحتي له حول عام
صابر وحكمك يامدير الكون صادر من حكيم
ماغيرك الباقي ولا ياخالقي لغيرك دوام
إن كان مابي ياالاهي ذنب بأسبابه مليم
طالبك ياالله العفو عن ذنب بأسبابه ملام
وإن كان يارب إبتلا طالبك وأنت أكرم كريم
تاسعني بعفوك وعفوك ياسع أجموع الأنام
وأنا ضعيف الحال أحايل قدرتي ماتستديم
راضي ولاكن رحمتك تاسع ولي فيها مرام
لولاك ياربي فنا مالي من القوه مقيم
لو ماأستعين بقوتك ياالله كان أصبح حطام