من يمدح الأجواد ماهو بغلطان
هذي سلوم الناس في كل ديره
في وقتنا الحاضر وفي كل الأزمان
الكفو يمدح والتجارب وفيره
كم قالوا الشعار في كل ميدان
شعر المدايح والمعاني الكبيره
نمدح هل المعروف وطوال الأيمان
أهل المكارم والوجيه السفيره
والشاعر اللي له على المدح برهان
مفروض نفخر به ومكثور خيره
مايجحد المعروف لوكان من كان
إلا قليل العرف وأعمى بصيره
وإن كان أحد من مدح الأجواد زعلان
قل له ترى الجدران حولك كثيره