البارحة كنّي على الأرض مقتول
من زلةٍ فيها النكد والمرارة
جتني من أغلى إنسان مدري وش أقول
خسارةٍ ما بعدها من خسارة
كنت اذخره وأظن يصفي على طول
ما كنت احسب الوقت فيه استدارة
حتى عرفته زين والحين مذهول
وقت انهزامي صار وقت انتصاره
يا شينها لا صرت بإنسان مأمول
وتلقاه يحذف في طريقك حجارة
والحسد دايم من وقع فيه معلول
أخطر مرض بالجسم دون انهياره
وما دام هذا الدرب واضح ومدلول
أمشي مساري واتركه في مسارة
عرفت بأن الطيب لو ضاع ما يزول
وعرفت مطلاع الجبل وانحداره
وش لي بديرة كلها محول بمحول
ولا بها ما يستحق البشارة
وين الربيع اللي على داير الحول
وألقاه يوم أنّي لفيته زيارة
والبارحة بالليل مدري وش أقول
خسارةٍ ما بعدها من خسارة