في سماك يلوح براق العطا
وانت تاخذ من عطاه ولاعطيت
تستبيح العذر وتزيد الخطا
وان نصحتك عن سواتك ماانتهيت
ياعذابي يوم صدك بي سطا
ماكفاك اني على وصلك بقيت
كنت لك في مامضى ستر وغطا
لاتشح وغير وصلك مابغيت
ارتجي لك مد من عقب البطا
مايهمك لو عنا بعدك شكيت
كل مغرورٍ تعالى للوطا
ياغرورك كيف مني مااستحيت
لو يهمك من على جمرك وطا
كان تعطي وانت تاخذ مااكتفيت
وان نويت تروح مرواح القطا
مالك الا من يصكك بالدليت