خلاص عفت الهوى والحب بالمرة
ما دام خلي يخون الحب من بدري
ما دام قفّى وعيني تنثر العبرة
ولا يقدّر هواي ولا عرف قدري
بألقى بديله يسرّ القلب والنظرة
اللي يطفي لواهيب أشعلت صدري
بأحكم العقل وأتصبر على قهره
وأطمس معالم صور من عذّب الفكري
يا قلبي أرجوك لا لا تكثّر الزفرة
أدري من الغبن تكثر زفرتك أدري
كنت أتصل به وأسولف له عن العشرة
أحسبه يا عزوتي باقي على خبري
وأثره لقى من يدندن له على الكسرة
وأنا بدنياي ماشي وساليٍ مدري
والله لو كاسبٍ بين الملا شهره
وأخذ وشاح الجمال وصورته تغري
ما عاد أطالع عشيرٍ واضحٍ غدره
اللي بسكين غدره كم طعن ظهري