عاد الندَى للورْد بعد الجفافِ
يا ليت من ينظر بعيني مغانيه
بيْشاهد اكْمامٍ ظلاله ضوافي
تنفح زهوره بالشذا من غواليه
واحْنا بجَوٍّ يبْهج النفْس صافي
لي ينظره ما اظنّ لاح الكدَر فيه
مَ احلى التصافي عقْب هَمَّ التجافي
وما عزّ شان الود من ذلّ غاليه
أقَدِّم اوراق اعتماد الخوافي
وثايِقٍ تنبيك عَمّا نخَفّيه
إن خِلْت في بعض العتب ما ينافي
للحب، حطّمْنا قواعد مبانيه
الحب أكبر من حروف القوافي
واغلى ثمن من مفرداتٍ تَحَلّيه
الحب قدْره بين لاَخْيار وافي
لولا الوِفا جَفّت منابع سواقيه
به ينعِرِف وضع الردي مِ السنافي
والشهْم بافعاله يتوّج معانيه