ليه أحس الشعر جثه ميته مبها حيات
جثتن ماتت هميه ما بها روحن ودم
ليه أحس ان القصايد هرج زايف مالشفات
غايبه حلو المعاني لاهوية ولا اسم
ودي اروي من غديره واشرب العذب الفرات
بس لقيت اليم مالح واختلط بالملح سم
صحراء يامطول فضاها لا ظليل ولا نبات
يذبحك غي السرا من توصله ويطلع وهم
عمايم وكشخة ملابس عرض موضة الأمسيات
المهم رطنت سوالف واللي باقي ما يهم
وثلث جمهورن يصفق يصرخوا يفلان هات
قليل منهم لي تذوق والذي منهم فهم
عين أبو كل القصايد عن حريمن فاتنات
عن هوى عفرا وليلى والشقا تالي الندم
كن الشعر أصبح قبيح بس تحليه البنات
لا قضية يذكروها ولا جروح ولا ألم
اذكروا جرح العراق وكيف هتك المحصنات
كيف صاح الرافدين بسب عباد الصنم
كيف ان الله سترهن وأظهروهن عاريات
لا براك الله يظالم كافرن ما تحتشم
آه يا بغداد ضعتي والعرب خلفك شتات
ضعتي يوم الله أكبر تنوطي تحت القدم
ضعتي يوم الدين فينا انتهى عهده ومات
الجهاد أصبح حرام ودوم نجنح للسلم
والجهاد أول طريقن للجنان العاليات
وحرفوه وأصبح إرهاب وضيعوا فينا العزم
آه يا أمة محمد وين ذا ك العز فات؟؟!
بيد عباد الصليب طاح صرحك وانهدم
وارتمينا بين كاس وفي حضون الماجنات
وكلمة التوحيد هانت يوم دين الله انهزم
النساء في كل حلة عاريات سافرات
والحجاب اللي سترهن حاربونه وانعدم
واسنمت البخت مالت والحواجب نامصات
قليل من هو خاف ربه وصان دينه والتزم
يا كبر همن بقلبي من صوابه كيف بات
ولا غضت عيني ثواني شفته في نومي حلم
نمتطي متن المذله ونرتجي بر النجات
يوم نام الراعي ساعة غافل الذيب الغنم
والعرب يومن تلاقوا لأجل حل المعضلات
ليتهم ما يلتقوا وإذا التقوا ضاع العشم
الصقر شل العقال ولبّسه فرخ الحدات
والمغانم قسموها بين غربان الرخم
آه يا أمة محمد بس من طول السبات
السيف يطلب ضاربه والقوس مشتاق السهم
الحقيقة ما تذرت بالرياح الذاريات
يوم تتكور شمسها وينطمس عالي النجم