ياهل الغبي تراني تاركن معكم أمانه
أمانتي معكم وداعة والعرب تحمي الوديعة
أمانتي قلبي معاكم يوم شلوه من مكانه
وتركوا روحي فجسمي من مودتهم صريعة
أوصلوها واطلبوها تتركه قلبي فشانه
وان كنت انا راخص عليها لا تذل قلبي وتبيعة
لا تعشمني بهواها حبها غادر زمانه
ياما أسقيته وصالي وهو يعاوضني بقطيعة
ياما فاض القلب شوقه واغمره بطيبه وحنانه
هو خريف العمر كله والشتا صيفه وربيعة
ما أمنيها الأماني فارسن أبيض حصانه
بس أمنيها بشين أقدر أوفيه واستطيعة
ما بغت قلبن غلاها وحبها عزه وصانه
عفت نفسي وسط عيني ضاقت الدنيا الوسيعة
ما بغت قلبي وروحي عهد فالحب وضمانه
قلبها شيطان طاغي عزمت تمشي وتطيعة
اسلكت درب العسامة وتركت درب اليمانه
وقبلها ياما تهاوت دار وحصونن منيعة
هاجرت وبلا وداع حتى ما ردت بيانه
وسرقت قلبي وخذتني بالدسايس والخديعة
أغصبوها ترد قلبن ماعرف طعم الخيانه
ما أبا فالحب شفاعة الوفا قلبي شفيعة
فالمنترب بدفن قليبي ما با فالغبي دفانه
بغسله بدموع عيني أغلى عن ماي الشريعة
ليتني ما شفت زوله وعيني ما شافت عيانه
ليتني ما قمت أفكر تالي الليل وهزيعة
ليته لساني لو عصاني ولا رضى يخاطب لسانه
كنت انا وقلبي فراحة ولا ستوت فينا فجيعة
رهين قلبي يالربيع ياهلي فكوا رهانه
يارافع الرايات ثيبة ضربت الخافج شنيعة
يا بوحميد العقل نعمة ولا بقى بعقلي رزانه
وين أبو مترف سنادي هبت الريح ونقيعة
وين أبوسالم بيوحي والحجازي الله لاهانه
والموادع لا توادع هم في نفسي وليعة
يالوهم ثيب وعزيتك فارس الشعر وكيانه
يالبدر يالساري يمينك يالشموخ أبغي فزيعة
بومهند يالمهند قبضت السيف وسنانه
بسمة أمل شفت الأمل في ضحكة الطفله الرضيعة
وأنا الخيانة تهزني هز الهوى للخيزرانه
ولا شرى قطر الندى لا هب يتناثر جميعة
إليك قلبي وين قلبي الله المعبود عانه
بس أدري أنه معذب وانه أحواله فضيعة