قصيدي دعاك اللي واذا يبطي آ غيابه
يجيب الجّزيل العذب ويجمّل آ حظوره
رغم أنف من يأبى ومن يرغب آولابه
واذا غرك سكوتي ورى سكوتي الثورة
دهلت المدى وانثال مع بوحي آ ذيابه
يترجم فكر شاعر عوى ذيبه آ شعوره
وأنا الشاعر الهبسي وقافي له أسبابه
على كثر ما شافت عيوني وماجوره
أنا اكثر شخص وفّى رغم جفوة أحبابه
وأنا اكثر شخص روحه من الظيم مقهوره
عرفت الزمن قاسي ولا تنفع اللابه
بوقت ن تشيّخ فيه من بهرج آ ظهوره
يقولوا بشر حنا بشر لكن آ بغابه
على عكس مفهوم البعض واقلب الصوره
أشوف الصحيب اللي نكر طيبة أصحابه
وأشوف الغدر ناسه على الغدر مسروره
لذا بكتب إحساسي وأنا حاسب آ حسابه
فخر أفخر آ ب أرواح وأجساد مقبوره
أحب اهجي الواطي ولو تنبح آ كلابه
واحب اهجي آ كلابه ولا قول محظوره
واحب امدح الوافي ولو ما أطق بابه
مديح ن يخلي أعداه بالغيض مقهوره
قصيدي دعاك اللي وإذا يبطي آ غيابه
يجيب الجّزيل العذب ويجمّل آ حظوره