تضحك على ما قلت لك من طرايف؟
او تبتسم مما بقلبك من هموم؟
مثلك كبير الهمّ شايف وعايف
ومثلك جفاف العمْر يسقيه بغيوم
يا صاحبي مضى زمان الحسايف
الناس راحت وانت للحينك تلوم
لا لا تغيب وانت صبرك وصايف
لا صرت شمسٍ بالشروق انت ملزوم
ضمّيتني ورى الضلوع النحايف
ما كنت داري العمْر له جسْم وهدوم
وجهه بعيونك يالهضاب النوايف
لا والله الا العمْر انته والحلوم!
تسبيحنا اغلى سجلّ الصحايف
وارواحنا بسجدة تطهّرنا ونقوم
يالعابس اللي ما رضيت النصايف
وش قيمته هالفرح لولاك محروم؟
سافر وخذ من ليل جرحك غرايف
دوّر وتلقى بظلمتك نور ونجوم
اضحك وتلقى لابتسامك شفايف
ظلام امسك ما حجب نورك اليوم.