يا واسع المغفره محدٍ سواك آرتجيه
هب لي صلاح العطا يا خير من هو وهب
وإرزقني من القناعه عمرٍ آعيش فيه
مبى من الناس شيٍ لو يديهم ذهب
أنا دخيلك من الحاجه وما تحتويه
وإحراجها اللي على الخفّاق مثل اللّهب
بين القلوب المغلّه .. والردي والسفيه
أبطيت وآنا أنهب الضحكه لعمري نهب
أزريت لا القى لي مع الناس شورٍ وجيه
والله مغير الوجيه الغابرات .. الشهب
كنت احسب إن التعب مخلوف فاللي يليه
حتى غدى العمر كله بتعبه فالمهبّ
ما كنت أشوف السبيل لغايتي غير إليه
لكن حقك عليّ .. يا جرحي الملتهب
لو ينفع المودماني نصح آهله وذويه
ما تبّت يدين عمّ (المصطفى) ابو لهبّ
في كل يومٍ يروح وجيه ويجي وجيه
واللي بقى ماهو بخيرٍ من اللي ذهب