مثبتن ساسه على المجد تثبيت
شيخٍ وراه شيوخ ماهو نبيته
هم مركز الشيخه وهم واسط البيت
وحضوضهم يوم الملاقي بخيته
شيخان فرسان رماتن زوانيت
ضرباتهم يوم الحرايب أميته
من ضربهم عمهوج له بالوغى صيت
كم فارسن خلاه يجذب نهيته
بيدين فارس شتت الجمع تشتيت
على طلال بواقعن ما فتريته
يابدر عنك من الرجال استشفيت
إنك اليا قمت بلزومن قضيته
عبد المعين اللي مخلد وهو ميت
أثنى عليك بمدك اللي عطيته
مدتك ماهي رد شرهه وتسكيت
الي نويت تكيل صاعن مليته
واليا بذلت الجاه كفيت ووفيت
وجهك طويل وتدرك اللي بغيته
بسم الكريم مكون الكون سميت
اللي من التعذيب عفوه رجيته
مشفي المريض إللي يجر التناهيت
ومحيي العظام الباليات الرميته
أنا اليا كثرت طواري غنيت
واليا عصائي شطر بيتاً عصيته
افتته لو ما قطعه صلب تفتيت
واليابغى ينعاج قطره قديته
واخترت لي دربن مناسب ودنيت
الي يوصلني وأنا ما مضيته
وقمت أتفقد مستوا ماه والزيت
وجودة كفاراته وشمعات ليته
ونوشت مفتاحه سوسته ودقيت
سلفه ورحت بدربي اللي نويته
ولا استنجد إلا بالرجال العناتيت
ودرين يروح لغيرهم ما مشيته
سلام ياشيخاً على سمعته جيت
من بد شيخان القبايل نصيته
جنبت عن هذا وعن ذاك صديت
نصيت بدر الضيط من طيب صيته
مشيت ما معيه دليله ودليت
أمشي على وصف العرب لين جيته
كلن يعرفه مثل ما ينعرف هيت
اللي اليا جيته صميلك رويته
ما فيهم إللي قال بالضيط ما وحيت
كلن يعرف الضيط ويدل بيته
بيتٍ يقال لكل من جاه حييت
مير إن لقيت الضيط وان مالقيته