أنا أحبك
وكثيرة حيل رغباتي
يا رغباتي الكثيرة فيك
تعالي وحققي حلمي...
أبي حضنك وأدفى فيه
وأبي صوتك... بعد وأبغاه
يملي كوني الصامت...
يا صمت الكون ما يكفي
سوادك أخرس بهمسي
يا رغباتي الكثيرة فيك...
أبي عطرك... يغطيني
وأبي شوفك... يلملمني
وأبي كفوفك... تكلمني
وأبيك بكل ما فيني...
تخيل بس لو صارت...
ومسكت كفوفك بكفي
وعطرك... رجع الذكرى
لمكان كانت الرجلين
ما تنوي لغيره المسرى
مكان كان يجمعنا
مكان كان يشملنا
وضحكاتك...
آه يا ضحكاتك
قبلها الكون كان أبكم
ولا بريحه ولا بأي لون
يا ضحكاتك... عظيمة شلون؟
تاخذني من اللاشيء...
وتعطيني الكل... من كل شي...
يا رغباتي الكثيرة فيك...
تعالي وحققي حلمي
وتعالي ما أبي إلا أنتي
تعالي واضحكي فيني
وخلي الكون يتراقص
تعالي بعطرك الصارخ
يا لذة يومي وأمسي
تعالي وأمسك كفوفي
تعالي بس... وتشوفي
عيونٍ تزهر بشوفك
وروح تنتمي لخوفك
تعالي وبس يا قمرا
بآخر شهري وكله
أحبك... والحياة ألوان
يا ألواني... وأشكالي
تعالي بكل رغباتي
يا كل رغباتي...
ومن أول قلتها للحين
أحبك...
يا كل حلمي ورغباتي