كنّت أحس الكون ينهار ابمهل
كنّت أحس العجز فيديني سوار
شفّت رمل العشق يتحوّل وحل
والأماني اطّير تتلاشى غبار
ألتفت حولي ويحاصرني الزعل
ارجع بذكراي.. هو صح إللي صار؟!
والله وقت البعد قلبي ما غفل
صرت أشوف اسمك على خد النهار
وامسح الدمعات واهجر كل محل
فيه لجروحك أثر.. فيني انكسار
ليتني أعطيت فرصة على الأقل
ما جرحت ابلا وعي وابلا انتظار
وما تركتك كنّي لغز ابدون حل
السكوت أحيان يرّمز للقرار
بس ما عنّدي شرّح ل إللي حصل
مدري هذا عناد أو أنّي أغار!
وإنت يا عمري وحياتي وكل أمل
اقتطف من اقرب عروقي اعتذار
العتب منّك يجي بمثّل العسل
تكفى عاتبني بشخبط ع الجدار