لاصار ماللهرج مضمون على السامع مفيد
اصمت وخل اهل الهروج الزايده تهذيبها
بعض البشر لوكان فمّه فيه قفل من حديد
الهرجه العوجا على اذان البشر ينحيبها
والبعض يرمي كلمته بالسخف والمعنى البليد
هذاك لاحكمه يسرحها ولا يضويبها
حكي اللسان يبين الخافي ومايحوي الرصيد
ياللحسافه يا رجالٍ ماتكرم شيبها
أحرص على الطيب ومن طيبه تفيد وتستفيد
وأحذر من اللى يكسب الشرهه ولا يدري بها
شمس الحقيقه لاشرقت من نورها ذاب الجليد
واللى حفر حفرت خديعه بشره يطميبها
من شارو الجاهل جهل ماجاب له راي رشيد
والبندق العوجا مع الرامي يناتش عيبها