ول يا هذا الزمان القيلباني
كيف يرضيني بشين مارضيته
دورة الأيام مافيها أماني
احترس من غدرها ياللي نسيته
لاتقول علمي يباله ترجماني
الخبرواضح ليامنك قريته
واحمد الله واشكره فيما بلاني
يالله أن تلطف بعبدك لابليته
والله انه مانسى ذكرك لساني
يا عظيم تخلق الحي وتميته
كم رفيق ساعة الشده نساني
كنت اضنه مثل اخوي الى نخيته
واكتشفت انه كذوب وبهلواني
يدرق ويروغ لوأني نصيته
كيف لو وقتي على مثله حداني
كيف لو أني على حاجه رجيته
وكم صديق من بعيد الارض جاني
لو بغيت اوفيه حقه ماوفيته