قابليني عند بابك للوداع
بعد نص الليل والعالم هجوع
قبل يوم العرس وأيام الضياع
قبل تنهي حبنا ليلة ربوع
ودي أبكي حبنا ماني شجاع
ما قويت الأمر يا زين الطبوع
بعد هذا اليوم ما فيه اجتماع
احضنيني بذرف بصدرك دموع
واتركيها لي شهود ولك دفاع
ريحة أحزان وطعمها لك دروع
يمكن يردك علي شين الطباع
يقتنع بي والدك بعد الرجوع
واجتمع بك بعد فرقا وانقطاع
وأحتفل واقهر ظلامي بالشموع
فرحتك يا فرحتي لازم تذاع
يحضر الفرحة معانا أكبر جموع
قمت اخرف بس قولي لي وداع
شمس يومك سابقتنا بالطلوع