يا طُغْمِتْكُم يا طغمة شر
ما تتسليش بأحزانى
وَصَمْتِينى أنا إرهاب
وبابى جنبكم ف الباب
ونا المقتول
ودمِّى بحور
أنا المسفوح
ونا المدبوح
وِمَجْنى عليا
والجانى
أنا اللى قتلت إرادتكم
ونا اللى ف رابعه فَضِّتْكُم
أنا السفاح
عشان قُلْت ف يوم لأه
لعبفتاح
أنا المقتول بميت خنجر
أنا اللى عِشْقى خَلّانى
أموت وأعيش
واموت تانى
وِتُهْمتى أيه؟
أظن مفيش
إنتم ياللى عايزينِّّّّّّّّّّى
أصيح واهتف بإسم شاويش
ههتف واهتف واصيح أكتر
وأقولكو يسقط العسكر
أنا اللى جبت جون كيرى!
وجبت جيوشك الميرى!
عشان تقتلنى فى رابعه
ونا الغلطان
ونا الجانى
وأيه كان بس وَدَّانى
مَنَا استاهل
عشان جاهل
أنا اللى مات
وسال دمى على الطرقات
وبشكى للإله ظلمك
وبشكى كفر سَجَّانى
هموت منْقُوْع هنا ف حلمك
هموت أنا فِدَا حبك
أنا من نبع إنسانى
منيش كداب ولا خاين
أنا من نيلك الحانى
وحبى ليكى ودانى
أنا مصرى ومن شعبك
وعمرى ما كنت إخوانى