كنت أحبك وأنبهر بك فالطفولة
كنت أشوف إنك عظيمة في زماني
أفرح إني كنت أشوفك وبسهوله
دائماً كنتي تجيني في مكاني
كنت أدندن وسط دارك شي أقوله
كنت أحاول أكتب لحسنك أغاني
كنت أرسم صورتك فاللي أطوله
في ورق، فجدار يبصم لك بناني
وأنزرع بي مثل حبّاً في حقوله
حبك اللي صار ينمو في كياني
صرت مستعجل على وقت الرجولة
لين وقتي ضاع وألعابي وأماني
حبك اللي في ضميري ومحصوله
في شبابي شفت جانيهم جناني
انصدم قلبي وعقلي في ذهوله
طول ذاك العمر كله وش عماني
وأنهدم برج المحبة رغم طوله
وانتشر كرهك غبار وقد غشاني
أصبحت لعنتك فرضاً ما يزوله
لو بدل عمري وهبتي عمر ثاني
ويش أبي بالعمر من بعد الكهولة
وإن قسمه الله بيواصل لساني