الياسمين يموت وتطيح الاغصان
على بياض الوجه يا عيصلانه
لو يزرعونك في مرابع بلودان
مكانتك ما ترتفع عن مكانه
العود الأزرق جمر تحته ولا شان
وراع الردا فضّاح قبحه لسانه
إذا يموت بمعركة فارس حصان
ما تاخذ الكدش بمماته حصانه
واذا يطيح شعيل بأمواس الازمان
ما شال حمله غير طيّب خوانه
يعني بتلميع الصور كيف ما كان
او شخبطتها لأجل خبث ولعانه
للفيل ما يصلح تخلّون جنحان
وللصقر جوٍّ ما يحب الطمانه