غاوية أحلام النخل أحلامى
تعلا بي لمراجيح الريح
والسواقى القلابه
قلابه
حادثات الزمن الغلابه
لقمه
وكسوة
وحبة فرح
وشئ م العقل
يشييد فييا حصن منيع
إيه ؟
الإنسان ؟... غير صرح
مش دم ولحم وعيشه
طير فى ريح وريشه
جلد وعضم .. وتحويشه
وفوركيشه
نهايته في قعر القفه
يحملها خفيف الريح
ويزوفها
يسقيها
مرارة عزوفها
ويا طولة بالك
وأنت بتشوفها
بتتسرسب منك السنين
ماتملكش للي فات
ولا للى جاى حنين
احلام كتير فاتتنى للأيام
وبهرب فى صرحى م الأوهام
وببات شامخ
فى عزة نفسى
مانكسرش ، وأقبل.
مانكسرش
واستكين بيأسي
أشب للمدى على فوق
أميل للعشق والشوق
شوق النهى والبدايات
ويا عالم ببكره والجايات
هالقانى وأنا بواجه موتى
لساني الصرح اللي بنيت
ولا ؟
حصاد اللي عانييت
الأرض لفت بى ولفيت
ياما رحت وياما جيت
جوعت و شبعت وحفيت
أتعفرتت وأتهدييت
حلمت وتمنيت
حلو على مر لقيت
وهديت وبنيت
وصبرت واستنيت
لحد مابقيت
وياريت
تاخدنى ياموت
بس تعيش الكرامة