صاحبي ياللى من ديني...وديني
مطرح ما ترمى الريح...وزيح
الهم عن قلبى ... واسبقني
لسه العمر طويل...وعويل
عويل ما يعرف سكته... جيت أسكته
بكا زى النسا فى الحزن لحظة ضعفهم
بكا زى عاشقة حرمت عشيقها شهوته
زلته وف غل نابعه قلبها حرقته
إيه ياصاحبى ؟... بقا دى همتك؟
ولا لقمتنا بالملح ماهمتك؟
دى العشرة ان هانت وولت
فانيا الدنيا زادت قلت
ياما نفوس ضاعت زلت
والوهم سرابه طاير طاير
زى زماننا داير داير
لافف لافف زى الحاير
وانت عصيت الصحبة بظلمك
ظالم ظالم فين ها تروح
تحت الشمس ما تهرب روح
أنت قتلت مرؤة قلبك
وانا من عمرى كتاب مفتوح
( والناس فى الدنيا ولا المراجيح
زى الريشة فى قلب الريح
نازلة وطالعة
طالعة تبكش نازلة تغش
ولا يوم أبدا تخاف وتكش )
زيح الهم عن قلبى واسبقنى
لا ها تعجب ولا ها قلق
فيك كثير من طبع النسا.
النقص فيهم صدق المثل.
حارمين الفرد فينا قولة أمل.
وقال صاحبي وبن ديني..
يا حسرتى .!!