لمّا نزلتي ع البحر تدلّعي
صار البحر يحكي و انت تسمعي
نشفان ريقو تا يبوّس كاحلك
ايدو بشقاوة عم يمد و ترجعي
وكلما خطيتي هالشواطي بتنتشي
صارت بجسمك هالرمال مكمشة
غارت الشمس ونفضت كل الرمال
ورجوع تمشي كل ماخصرك مشي
تموز مرّة تانية دق البواب
حامل بايدو نار ما بتترك تياب
عرفنا يا تموز السبب !ما أشطرك!!
جايي تكشّف هالعناقيد الطياب
سبحان الله مكمّلو فيكي الحلا
شفافك صلاتي ما بفوّت هالصلا
بيني و بينك رح بقصّر هالطريق
و زيد الصلا بلكي الجنّة بوصلا