عملت أعمى، وعن عيبك.. أنا ف بنها
والعيب بيطرح عيوب أداريها واركنها
ورْمِت زكايب الخزين من كتر ما فيها
طقت خلاص سرسبت وقرفت انا منها
لمّ الحكاية بقى، خليها في المعقول
غباك وهستحمله واصبر واقول هيزول
فبلاش بقى تصدره للغير، وتفضحنا
داري على بلوتك، وافهم معاني القول
يا كدبة صدقتها.. واشربتها بكيفي
وبنيت عليها مقام.. زخرفته من زيفي
إياك تصدق صحيح.. إنك بقيت معصوم
يا شوم أكيد مهدوم.. وبضربة من سيفي