صوت الرجا بارد ولاهوب مسموع
والياس خيّم فالخلايق وسنتر
واللي يبيها طوع ما جات له طوع
واللي تقدّم خطوته للورا در
صار الردى مابين الاقراب مزروع
الابن عم انذر ولا عمره اعذر
الاصل ضاع وباقي عقبه فروع
متفرده بالنفع وتدوّر الضر
دام الحيا منزوع فالخير منزوع
ياللي تدوّر خير جنّب عن الشرّ
كانك تبي مشروع! فالصمت مشروع
للصمت ناس وللسواليف مصدر
ورفيقك اللي ترتجي منه قرطوع
لو في يده ما اسقاك ويقول ما اقدر
أسهل عليك فهالزمن حبة الكوع
من وقفةٍ من قلب صاحبك تظهر
الفاعل المرفوع ماعاد مرفوع
من يوم صار الفعل مبني على الجر