مرتني الذكرى تبعها حنيني
يحسب مسافات الزمن للمغادر
بمخيلاتي للبشر ما تبيني
حطيت لك بالقلب وارد وصادر
في كل يوم وكل ليله تجيني
ما غبت عني كان في يوم نادر
ذكراك يا عذب اللمى تحتويني
هي بيتي الثاني مثل مانت خابر
ماني بسالي عنك يا نور عيني
في خافقي أنت الوحيد المبادر
طال السفر يا ساريه خبريني
الصبر ماله في حياتي مصادر
أموت فيك وانت بتعيش فيني
الله ياما لك بصدري نوادر
كتبتها بجدار قلب حزيني
امدادها دمع حوته النواظر