كتمت عبرتي من حولي السمار
اخاف لا شافوا عيوني يشوفونك
العين تفضح ما تخبيه الاخبار
لو تخفي دموعها محجر جفونك
انتظر ليلي عسى من عقبه نهار
وعسى اللي جابني لك يجيبونك
تروي صحرا خفوقي بالأمطار
وتزهر بساتين الهوى ب مزونك
يا كم تمنيتك وخانت الأقدار
وياكم صبرت الاسى من دونك
عهد الامل بك يالزمن غدار
ياكم تهقويت وخابت ظنونك
لو تشوف من حالتي وش صار
أصبحت لك شاعر ومجنونك
هذا ومن بيننا حدود وبحار
كيف ان شافت عيوني عيونك