غيبني فيك
دوبني ف كاس الروح المدلوق علي بابك
انسجني دموع...
بتخبط ع السر الواقف ف زحام الدم
المشتاق لحظات الضخ
انصبني فخ لخطوة قلب تحاور سكة لغيرك
شكلني علي كل حروف الضم إليك
اجعلني السر المسرور
بتخفي العين من ورا جدران البص
اسحبني سحابة روح بتروح وترش حياة
ابدرني دقيق ف بساط عاشقين ع الشوك
مشيني حرير اللهفة عليه
اعتقني بحط عنيا إيدين في سلاسل شوفك
سرسبني عليا خيوط للبكا تتكر
يتعري تلج البعد... يسيح من حر دخولي اليك