يا قلب وش صايبك مانتب على بعضك
يلعب بك الشوق... ويكسر جناحينك
ماهوب نبضك.. أبد ماهوب ذا نبضك
ولا هيب هذي سوايا الدمع في عينك
سماك متغيرة.. وشلون عاد أرضك
لا الكون كونك ولا هذي عناوين
يا رياح الشوق هبي وعيثي بي غرام
وكل غصنٍ في طريقك بقلبي كسريه
كم لي أتقلّب على جمر تنهيد الخصام
وأتنفس ضيقتي بين ضحكات الوجيه
والحبيب اللي نساني ولا ردّ السلام
صرت احسه ما يبيني وأنا بالعكس أبيه
آآآه من صدات قلبه وقل الاهتمام
وذكرياتٍ كثر ما أحب أشوفه تشتهيه
يا حبيبي وانت مسك البداية والختام
وانت كل اللي رجيته فعمري واحتريه
ضاعت أيامي بدونك وجا شهر الصيام
كيف أبارك لك قدومه وأنا فاقدك فيه؟
يا المترف الناعم الهادي
يا الأقرب اقرب من يديني
أحبك وتشرق أعيادي
وأفارقك واختنق فيني
محبتك أعظم أمجادي
وخسارتك.. غلطة سنيني!!!
وشلون أبوصفك لأحفادي
لا شافوا الدمع في عيني
مسيّك بالورد.. يا العشق الجرّي اللحوح
يا منتهى.. لذته.. وغوايته.. والجراح
مسيّك بالورد.. لو هو معك يخجل يفوح
ما دامك اجمل وأرق إنسان بالعطر فاح
مسيّك بالورد.. وانت الورد جسمٍ وروح
مسيّك بالورد.. واسمع للكلام المُباح:
توصي ب شي من قلبي.. قبل لا يروح!!
ما به من الشوق أدراج الأسى والرياح!
ما عاد للوصل برقٍ فالحنايا يلوح
وأحلامنا فاللقا عمداً كذا تستباح