يا قلب وش صايبك مانتب على بعضك
يلعب بك الشوق ... ويكسر جناحينك
ماهوب نبضك .. أبد ماهوب ذا نبضك
ولا هيب هذي سوايا الدمع في عينك
سماك متغيرة .. وشلون عاد ارضك
لا الكون كونك ولا هذي عناوينك
يا رياح الشوق هبي وعيثي بي غرام
وكل غصنٍ في طريقك بقلبي كسريه
كم لي اتقلّب على جمر تنهيد الخصام
واتنفس ضيقتي بين ضحكات الوجيه
والحبيب اللي نساني ولا ردّ السلام
صرت احسه ما يبيني وانا بالعكس ابيه
آآآه من صدات قلبه وقل الاهتمام
وذكرياتٍ كثر ما احب اشوفه تشتهيه
يا حبيبي وانت مسك البداية والختام
وانت كل اللي رجيته فعمري واحتريه
ضاعت ايامي بدونك وجا شهر الصيام
كيف ابارك لك قدومه وانا فاقدك فيه؟
يا المترف الناعم الهادي
يا الاقرب اقرب من يديني
أحبك وتشرق اعيادي
وافارقك واختنق فيني
محبتك أعظم امجادي
وخسارتك .. غلطة سنيني!!!
وشلون أبوصفك لاحفادي
لا شافوا الدمع في عيني
مسيّك بالورد .. يا العشق الجرّي اللحوح
يا منتهى.. لذته .. وغوايته .. والجراح
مسيّك بالورد .. لو هو معك يخجل يفوح
مادامك اجمل وارق انسان بالعطر فاح
مسيّك بالورد .. وانت الورد جسمٍ وروح
مسيّك بالورد .. واسمع للكلام المُباح:
توصي ب شي من قلبي .. قبل لا يروح!!
ما به من الشوق أدراج الأسى والرياح!
ما عاد للوصل برقٍ فالحنايا يلوح
و احلامنا فاللقا عمداً كذا تستباح