كنت خايف لا تمادى بي طعوني

كنت خايف لا تمادى بي طعوني

لين شفت الضيق ف احضانه رماني

وابتديت ارسم محطات لسكوني

تبتدي مني ولا تاصل مكاني

أي دمعة حزن لا لا يا عيوني

ما بقى للحزن حبلٍ ما لواني

في عيون اللي توارت في جفوني

غضةٍ قد ليّنت قاسي زماني

علمتني كيف اعيش بكل كوني

واخلق من الدمع ضحكات وأغاني

من تعبها طاح قدامي ودوني

كل حلم وشلت حملٍ ما قواني

طحت كلي وابتديت المس متوني

واكتشفت اني وحيد بدون ثاني

كل حرفٍ ينكتب معطيه لوني

من قراه بدفتري كنّه قراني

من تهجاني عرف قيمة جنوني

من تعبها.. والحنين اللي خذاني

للطعون اللي تمادت في طعوني

يوم شفت الضيق ف احضانه رماني