قلبي حزين وخاطري حيل مكسور
وانا اتخيّل دمعتك... واتخيّلك!!
حزنك كبير يعانق قلوب وقبور!!
ودمعك ب طهره كثر ما سال يغسلك
يا غايبة.. وانا معك قلب وشعور
قلبي معك من آخر الكون ل اولك!
كني ب دمعك ذبّل عيونك الحور
وادري بعد.. رجليك ماعاد تحملك
يا ليتني عندك! ولو ف اطرف السور
أقرا لك آيات الصبر لين ما ازعلك
هالفقد.. ما يعني سوى عمر مبرور
لا طاحت اوراقه ترى لله الملك
يا غايبة قلب الوله حيل مكسور
وانا اتخيّل دمعتك.. ما اتخيّلك!!