للصبح ضحكه للمساءات الافراح
للعشق بهجه للأماني رساله
مليت اشوف الناس من حولي اشباح
في محكمة عمري فقدت العداله
حبيبتي بعد التعب جيتك ارتاح
في حضنك الدافي ولهفة سؤاله
تشربّيني كثر ما فيني جراح
وانا بعد ب اشربك حد الثماله
ليلي ظلام وصوتك العذب مصباح
وانا مسافر طال فيه ارتحاله
اجسامنا متفرقه بس الارواح
متعانقه مثل الغدير وزلاله
لو سالفتنا سالفة عشق تفاح
هانت ولكن أصبحت برتقاله