تصطفل يا قلب منّك لجرحك والغرام
كل يوم تضيق والأرض من حولك تضيق
تحسب ان الصمت فانوس في ليل الكلام!
تحسب انك لا تكلمت ب تدل الطريق!
راحوا احبابك عليك وعلى الحب السلام
عادوا احبابك وشبيّت من شوقك حريق
ذكرياتك طارت اسراب! وينك والمنام؟!
ما بقى لك غير طيف وورود بلا رحيق!
للعطش ما لك سوى صوتها العذب الغمام
بس وينه؟ وانت وين انت؟ مسجون وطليق!
للفراش انوار! ولحزنك ابحث عن ظلام!
لا تخلي غيرك انسان ف احزانك يويق
لك حبيبٍ من يحبه يموت ولا ينام
إسهره يا قلب في غيبة اخوان وصديق
وانت ياللي شفت معك ابجديات الغرام
لو تضيق الأرض.. قلبٍ يبحبك ما يضيق