وف.. ليلةٍ خنت صوتي ، وانحنى بوحي
مديت كفي ظمأ ، لمصافح جروحه
غنيت ، كن الطرب وقّف على روحي
عاتبت ، كن الليالي من بعض نوحه
والبارحة ذاب ملح البوح ، ف.. جروحي
شقيت صدر القصيد ، وصرختي روحه
جيت أظمي الدرب ، وأشرب ليلة نزوحي
لعيون خشفٍ فتون .. وحيل مملوحه !
أجر ثقل الخطى ، والليل لو يوحي
ما نام طرف الشجر .. والريح مبحوحه
دربٍ ذكرني ، ودربٍ لا نسى مزوحي
من يذكر اللي بنى فالشاطي صروحه ؟
شاعر.. وذاك الخطأ لو قلت : مدموحِ
ف.. الشاعر أول قتيلٍ ما رثا .. روحه
شاعر طويل الذراع ، وما ابعد شبوحي
لو الحناجر/ خناجر .. غيظ مفتوحه
ما همّني دام مسراهم على ضوحي
وإن غبت .. كن الشفاه من أمس مذبوحه
أنا ؟ ويا كبرها ؟ وإن صحت مسموحِ
من علّم آدم يتوب ، وذيك مفضوحه ؟!
قبل البحر ما يودّع موجته لوحي
والمد وش هو ؟ زبد .. في جزره ملوحه !