حبيبتى.. كل مالا يمكن وْيستحيل..
يهون لْعيونك اللي مالْسواها يهون
ياوجهة الفكر لامن تاه واوضح دليل
ياشمعة العمر وانتي راحتي والسكون
يامقاسمتني أماني وقت جدّاً بخيل
مابين شكٍ يساورنا.. وصدق الظنون
لاخيّم الياس في كوني في عينك أخيل..
برق التفاؤل .. وبسماتك تهل بْمزون
ولْيا همستي.. أحس بْكل شيٍ جميل
بقولتك: (بكره الأفراح تعزف لحون..
بكره تهل البشاير مثل شمس الاصيل..
واحلامنا تْصير واقع.. به تُسرّ العيون)
كلامك يزيح همّي .. كنه السلسبيل
يشعل طموحي وللصعبات لي خير عون
حبك.. ولاغير حبك .. يستحيل البديل
لولاك مدري "محمد" واقعه وش يكون
تهون كل المصايب .. لكن المستحيل..
فرقاك يااغلى البشر.. هذا لايمكن يهون