ياهواي العذب لجلك جيت أسابق كل ريح
جيتلك شاعر لاضَلّ البوح وحدك:بوصله
ودي أقرأ حسنك الفتّان يالضي الصريح
يمكن أرسم بأجمل الألوان لوحه مذهله
يالجمال اليوسفي يصدح بها لْسان الفصيح
ويالقوام المكتفي.. وبْكل وصف مْكمّله
ياأم بسمة خير صارت طبع هالوجه الفليح
وأم همسه غير معزوفة صَبا ومْأصّله
تِقبلين: يْفزّ لك قلبٍ بشوفك يستريح
ويوم تِقفي: كل شريانٍ لك يْصيح بْوله
خَلّك بْقربي ياكوني.. خَلّي الكون الفسيح
في غيابك كم يضيق.. وْكل أرضٍ ممحله
لاتبالي ماسواك الحب والعشق الصحيح
يا أمل دنياي.. بعدك ويش أنا متأمّله؟!
وآمريني ياعطا.. دونه انا جودي شحيح
جاتك جْمالي غلا.. بأثمن عطايا مْحمّله