ياللي طلبت الشاعر اخر قصيده
تكفى طلبتك لا تنبّش خفايا
ياكثر ما بالبال ولا اقدر اصيده
باليني الله بين عوج الحنايا
في قلب مُهره بالوصايف فريده
فيها احاسيس الوله والهدايا
إهي القصيد مْن القديم لجديده
متسيّده مابين فكر وخلايا
ماتدري اني بالمواقف وليده
ماتدري اني ما اخاف المنايا
معاي تلعب دور صعب وتجيده
وماعاش من بالامس يلعب معايا
خلتني مابيني وبيني فقيده
وخلتني اكره لابسين العبايا
ماعاد اشوف إلا مشاعر وقيده
ولا عاد اظم إلا عيوني بقايا
ياللي طلبت الشاعر اخر شريده
صادتني اللي مادرت عن خفايا