لاتسئلي يابنت وشفيه امجد
حالي ورب البيت ماهو بطيّب
الهم ثوره ماتبي يوم تهجد
والضحك صَنعه لوتجيك اتغيّب
كان النخل يحتاج له واحد يجد
راسي من الخيبات يابنت شيّب
ذبحت نفسي بين شعر وتوجد
هذي حدود الطيب.. كيف آتطيّب
لاصار هزل الناس مخلوط بالجد
صعبه ألاقي للحبيب الحبيّب
الأسم يُنسب للأبو ثم للجد
لكن وش انسب للبعيد القريّب
ياما قتلت الهم وقت التهجد
ياما حييت النفس وقت التسيّب
وفي هالبشر يابنت صعب آتنجد
يلفي علي احساس كلّه تعيّب
ابتجه لله وبخشوعي اسجد
مافيه غيره يجعل الحال طيّب
امجد ماعاده مثل ماكان امجد
يعني طبيعي لو عليكم تغيّب