ياليت واغفى ثواني داخل اجفانك
أرتاح وانسى زماني مع مشاويره
وتعيش في موقفي وتذوق نيرانك
وتبدّل الطيش في سلوانك بغيره
تسهر الين الصباح يطق بيبانك
وتظهر ملامح عناك وقلة الخيره
وتبحر ليالي غريب بمركب احزانك
بلا مواني تسوق الفكر وتديره
وتشوف كيف الزعل يجتث ريضانك
وتقول ياذا المفارق فضها سيره
ومانلت من راحتك ياكود عصيانك
لارمتها شفت من هجرك معاذيره
وعن كل ثوبٍ جديدٍ تلبس اكفانك
لانلت حلمك ولا عاينت تفسيره
وتملّ لاغادرت غفواتك اوطانك
ياليل ملت من الرحله مداويره
مدري متى يلتفت ياهيه تحنانك
انا تعبت اتبعك من ديره لديره